Ricardo Carvalho Calero - Estamos no Ano Carvalho Calero

[Publicado em 6/10/2010 no PGL – Portal Galego da Língua www.pglingua.org ]

http://www.pglingua.org/index.php?option=com_content&view=article&id=2876:estamos-no-ano-carvalho-calero&catid=3:opiniom&Itemid=80&Itemid=36

Por José Paz Rodrigues (*)

(*) Professor Numerário da Faculdade de Educaçom de Ourense.

É muito difícil para mim entender que se tenha tanto no esquecimento uma pessoa que sempre trabalhou durante décadas e décadas polo idioma galego e pola Galiza. D. Ricardo Carvalho Calero, que tivem a sorte de conhecer e tratar, há tempo que tinha que receber na Nossa Terra a homenagem que bem merece polo seu grande labor e amor pola Galiza. Académico que foi da RAG desde o ano 1958, em que entrou como tal com o seu discurso de ingresso sobre o tema: “Contribuiçom ao estudo das fontes literárias de Rosalia”, é ainda muito mais difícil compreender como esta instituiçom nom tenha decidido, como deveria ser, que se lhe dedicasse este ano a festividade das Letras Galegas.